Exposición

No Sexto Edificio do Museo de Pontevedra será inaugurada o próximo día 14 de febreiro, martes, ás oito da tarde, a macro exposición titulada Materialeza 1999-2011, que reúne máis de cincuenta obras de gran formato do artista Darío Basso, complementadas con trece cadernos de campo con acuarelas, exposición que foi exhibida dende o pasado 28 de setembro no Centre del Carme de Valencia.

coñeces o teu ?

O pasado 14 de decembro foi vendida polo “módico” prezo de 9 millóns de euros a Perla Peregrina, acadando o máximo chegado a pagar ata o de agora por unha perla dentro das poxas de xoias, quizais debido non só ao seu valor material (tamaño, forma e cor pouco comúns) senón, e principalmente, pola súa historia, polo seu pasado lendario ligado á realeza española. Pertenceu ao coñecido como “Rico Xoiel dos Austrias” das xoias da coroa española, aparecendo en famosos retratos áulicos durante tres séculos. Foi tamén primeira protagonista de amores e desamores dentro do mundo rosa da “sétima arte” no século XX con Elizabeth Taylor e Richard Burton, circunstancias todas elas que fan desta xoia unha lenda viva.

edificio sarmiento

A grande afluencia de visitantes nas xornadas de portas abertas organizadas pola Deputación de Pontevedra deixa patente o interese dos veciños da cidade, da provincia e dos turistas por coñeceren o resultado da remodelación deste emblemático edificio.

Coñeces o teu?

Este ano que termina conmemorouse o 50º aniversario da morte do escultor Asorey e o centenario do nacemento dun dos seus discípulos, Benjamín Quinteiro, quen ao contrario que o seu mestre permanece para moitos no anonimato debido á súa prematura morte.

Coñeces o teu?

A celebración da festividade en honra do Patrón de España, Santiago Apóstolo, acompáñase desde hai séculos -entre outros festexos lúdicos e populares- dun espectáculo de fogos de artificio -na noite do 24 de xullo ,véspera da onomástica,- nunha arquitectura efémera cuxa forma e contido foi variando ao longo da historia.

coñeces o teu?

Aínda que de autor descoñecido e técnica algo máis ruda, este bodegón hai que relacionalo con outros similares de mestres da pintura española do século XVII.